Hi there! Mini Ferie do bi dr Nora und ihrer coole WG neige sich leider scho em Ändi zue. D Mitbewohner sin voll easy druff, woby dr Belgier (Philippe) so gwüssi Starmacke het. I dörfn nur mit "Sir Master Cook Sir" arede.. ;-) Aber vo sine Kochkünscht hani leider nie was gseh bzw. gschmeggt. Drfür hani d Ehr sini apprentice z si.. Jä nu, viellicht sind Belgier halt so. D Susann (die Dütschi) isch äml ganz normal.

Oh, und d Nora het dank ihrer allerliebschte kleine Schwöschter, scho syt letschter Wuche sone Stecker für ihre PC. S zelle also keini Usrede meh vo wäge kei Akku oder suscht was ;-p

Für alli die, wo d Nora bsueche möchte, es isch wirklich sehenswärt. Hüt sin mr zämme zum Jesus uff e Monte Urugull uffe, wome en super Usblick uff San Sebastian het. Me ka do toll go shoppe, ;-) go schwümme (mir ischs aber z kalt gsi), go surfe, jogge, velo fahre, spaziere, wandere, party mache (am letschte Sunntig sinmr hammergeil go abshake, gueti Cuba Libre's hets au ka) und no einiges meh. Aber me sött zu däre Joohreszyt vieli warmi Kleider drby ha.

Wär mitm Zug möcht ko, söll sich das zwei Mol überlege. I ha vo Basel SBB bis nach San Sebastian 19h brucht!! Und Lüt wo zu Klaustrophobie neige, würd i das abrote. Überhaupt elei in somene Schlofwage.. Naja..

Also, also, möcht am Schluss nit meh gschribe ha als my big Sis im ganze ;-p

Greetings from Tamara S.

Jo ich weiss ich bi nit so guet im regelmaessig schriebe... choennt besser waerde wenn ich mi laptop mol cha benutze. Das wird vorussichtlich das Weekend si (falls mini liebi chleini schwoeschte rmir dr Adapter mitbringt ;-) ), vilich chani denn au aendlich e paar Foeteli zeige :), was waenn der gseh?
Ha scho e luschtigs vom Philippe bim "estudiar", jae, jae.. chunnt denn :)

Aber jetz mol zum Thema woni akuendigt h im Titel: Uni.
DUni het do die Wuche agfange, isch logischerwiis alles bitz andersch al in dr Schwitz, dVorlaesige sin die meischte 3-4 mol in dr Wuche. Dr Unterricht misch viel me wie Schuel als bi uns. In dr einte Vorlaesig muen mer imme am Afang vo dr Stund 20 min. e Text laese. Ich glaub Huusuffgoobe sin do nit an dr Tagesornig.. numm in einere Vorlaesig muemer e Arbet mache.. ueber e Ussehandel vo Spanie in Mexico :), in Gruppe, aber drfuer 40 Site :-o und , por supuesto, uff spanisch. Ich glaub ich nimm denn gaern sAgebott vo mim Spanischlehrer ah das aer unseri Arbete choenn durelaese... Isch eh e megakuhle Lehrer. Sehr engagiert, me bechuntn Korrekture zu text zrugg wo dopplet so lang sin wie dr Text saelber und mit ere Ileitig: "Muy bien Nora, ...." :-D
Halt au no jung und nonig so ussglaugt wie susch vieli Lehrer :-). Jedefalls machts mer Spass Spanisch z'lerne, mi Ziel ischs dCervantes Pruefig 'Superior' noegschte Mai z'mache, das waer megakuhl, das isch so wie s'TOEFL... glaub, international annerkannt. Und dSpanier mit ihrne guete Fremdsproochekenntnis erkenne eim anschinend als quasi 'billingue' ah mit eme Cervantes Superior.

Und denn machi no e baskischkurs... mhm ganz aernschthaft!

Uebrigens ischs merkwuerdig *Themawechsel*, erschtens hets jo do mol 80% Duetschi (vo de extranjeros) und denn hets no e par Franzose... und alli usser eini vo de Franzoesinne heisse "Marie". Bitz meh kreativitaet bi dr Namenswahl bitte, das goht voll ni so. "dMArie het gseit..." " Welli Marie?" " Die Franzoesin" "Ahaaaa, die Franzoesin.." "???" "????" "?"!

Un mi halte alli fuer e Duetschi... (sogar die Duetsche zum Teil, hihi) mues denn immer klarstelle das daem nit so isch... bi schliesslich Neutral und nit EU und bruuch e Uffenthaltsgnaehmigung do woni nit bechumm will dPolizei numme vom 9i bis am 2 offehet... theoretisch.. und praktisch? "Wenns z'viel Luet het machemer am 11i scho zue!"
Worschinlich wenns zwenig Luet het au und wenn si grad ei Luscht haenn und wenn dKaffimaschine kabutt isch blibe si grad ganz deheim und wenn eins vo de 200 fiestas isch sowieso au...

Aber uebernoegscht Wuche machi e Surfkurs. *freu*. *tanz*. Cooler gohts jo gar nuemm!

so schick euch liebi sunnigi gruessli in die chalti schwitz (hani ghoert)

Beso
Nora

Huet isch scho Jueves, ha jo sit em Maentig nuemm gschriebe... also mol luege was alles passiert isch. Bi die letschte Taeg ummegrennt zum mir e Velo chaufe. Eins wo nit 150 Euro choschtet und gnueg gross isch fuer mi. Das het mi die letschte 3 Nomidaeg gchoschtet. Will die grosse Centro Comercial wo's do git alli usserhalb sin und do kei Sau ohni Auto doert ane goht sind die Busverbindige dementspraechend scheisse.
Jedefalls hani denn gescht e Velo gfunde im "Decatlon" :)... dr Sattel isch huere unbequem drum hani mir grad no muesse sone teil chaufe zum drufftue, so gohts.
Jedefalls bini denn mit mim Velo vor daem Laade gstand zMitz im nirgendwo und seinzig woni gwuesst ha isch gsi: Ich mues jetz mit em Velo heimfahre will me kei Velo doerf in Bus neh. Bi denn mol in die richtig gfahre wos am wenigschte nach Autobahn usgseh het, nach eme wiili isch mer denn oebber entgegegloffe woni ha choenne frooge wo ich mues durefahre, het mi bitz komisch agluegt und denn uffe Stroos zeigt wo me uf dr andere Site vom Tal gseh het (rember Baskeland = Huegelland)... die waeri guet wills doert nit so viel Autos heigi, het aer gmeint.
Nora fahrt los in die richtig, chunnt aber nit zu daere Stross wills e riese Autobahn het drzwuesche...
Ha denn die noegscht Person gfrogt woni troffe ha, die het mi widr komisch agluegt und gseit ich muessi uff daere Autobahn fahre, sig zwar bitz gfoehlrich abr das giengi scho. Nach laengerem hi und haer het aer denn zuegeh me choenni au uffemene Stroessli fahre, das gieni aber gaaaanz steil uffe. Naja aer het raecht gha.. bi denn halt dr Baerg ufegloffe. DLandschaft do isch wuerklich megaschoen. Erinneret mi bitz an Herr der Ringe :), so gruen wie in Neuseeland (ha ghoert im Appizaell soells aehnlich si :) ) und huegelig und ueberall baskischi parole an de Buurehoef :). Jedefalls bini nach 2 Stund denn widr in Donistia gsi und heilfroh dasi dr Waeg gfunde ha.
Jetz chani mit em Velo and Uni, das isch megageil, es het naemlich Velowaeg vo mir deheim bis diraekt and Uni. Und usserdaem fuehrt dr Waeg zu 50% em Strand entlang, ¡jeehaa!

Vorgeschter bini zoobe no im Kino gsi. Premiere vomene spanische low-bugdet Film wo fuer sone FIlmpriis nominiert isch. Isch megakuhl gsi. Dr Regisseur und sini Frau (ich glaub die het au irgend e Funktion gha, bweiss aber nit genau welli) und die drei Hauptdarsteller sin doert gsi. Am Afang haen si sich e bitz beapplaudiere loh und am schluss het me no choenne frooge stelle und sie haenn si denn beantwortet. So sgrobe hani verstande, aber halt nit alli Detais... macht nuet isch kuhl gsi :).

DWG isch kuhl, abgseh drvo das mer in 2 Wuche waerde e Bett-Aengpass ha, will ich bseuch ha und dSusann au...
Mir Aesse eigentlich jede Oobe zaemme, worschinlich wird das den aender wenn mir alli andersch Uni haenn, aber im momaent ischs megakuhl.

Mi Laptop funktionniert immernonig, resp. ha no kei Loesig gfunde fuer mi Steckdoseproblem, drumm gitz au no keini Foteli... chunnt scho no, fuer alli wo's interessiert.

So ich stirb fasch vor Hunger, gang mol heim go aesse.

Besos
Nora

Hey, back in school again with internet connection :-)

SWeekend isch kuhl gsi, sunnig und gmuetlich. Am Samschtig simmer in Kino gange, weis nuem wie dr Film gheisse het, isch e daenische gsi, mit spanische untertitel. Do isch ebbe grad sFIlmfestival, drumm hets au bim Hotel Maria Cristina wo bi uns umme egge isch die ganz Zit Fans wo vor de temporaere abschrankige warte, Reporter mit ihrne Sateliteuebertragisautos und mit Kamerateams... :-)

Morn goemmer go Agua con Sal luege, weiss zwar nit um wases goht, aber schint e spanische film z'sii, also guet zum uebe verstoh. und sPlakat zum FIlm seht no huebsch uss.. e Frau am Strand.

Ich ha entdeckt (Gracias por el "tipp" hermanito ;-) ) das mit deheim 2 ungsichereti wireless netz haenn... aber momentan isch mi aku empty und drumm chani deheim trotzdaem nit surfe :-(, mues huet unbedingt go e adapter chaufe.. die haenn do naemlich keini 3 polige stecker, numme 2 poligi oder so komischi rundi mit so metalzueg am rand... denn chani au aendlich musig lose und CD's und mini andenk CD aluege :-D

Fuer EMails beantworte laengts mer jetz nuemm mues zrugg ind Stund (Wuerg; subjuntivo :-( ) aber ich schrib sicher morn oder huet zoobe wenn ich e adapter find fuer mi lappi.

macheds guet!

Besos

und allne wo no pruefige haenn ganz viel glueck!!!

PS: WI'ler sin dVPs eigentlich scho verbii? wie isch gange?

Hez nochaer gangi heim... aendlich hani e Ort wo deheim isch do, juhuuu.
Ich lueg dassi mol no cha Foeteli uffelaade, aber vorerscht halt mol e beschriebig:
3 Zimmer 2 gross 1 chlei.. ich ha s'chleine, aber isch oke mues eifach no bitz umstelle und iirichte, das machi denn das weekend.
Wenni jetz uffem bett lig luegi an e chirche ahne wo schreeg gegenueber isch, das isch liecht schreeg :-)...
Aber es sich drfuer alles voll moebiliert, het vo gschier ueber butzmittel ueber waeschmaschine ueber wc-buerschteli bis zu bettuecher und natuerlich, moebel und e chleine TV...
Aber es het kei mischtkuebel, weder papierkoerb in de zimmer no e abfall in dr chuchi und au im bad nix :-/... muesst me vilich mol in dr IKEA hole (het anschienend in bilbao ein)

Gescht haemmer e art Iweigsaesse gmacht dr Philippe het fuer uns (Susanne, Christian e duetschspraechende Italiaener :-), und ich) gchocht.. mmmm doerf aer gaern oefters mache :)
so caramelisiert-gchochte endivia.. mmm und fleisch mit pilzrahmsausse und haerdoepfel... het au gnueg gschier bruucht (mir haen denn abgwaesche)... so am 1 simmer denn no in Usgang,mol widr richtig shake, yeaaaah :-D!
BI denn so am 4:30 im bett gsi, aber ha natuerlich nit choenne ischloofe willi ha muesse ueberlege wasi mit mim zimmer mach :-).

Huet am morge bini denn pflichtbewusst uffgstande zum an spanischkurs go (und ha die andere 2 no muesse wecke :-) ) und denn isch unsere prof natuerlich oebbe 20 min z'spoot cho.. z z z

Dr Kurs isch no spannend gsi, haenns unter anderem drvo gha was alles verbotte gsi isch unter em franco und wieso dMaenner in spanie so machistos sin... und die ungschriebene gsetz vo de baskische wiibli und maennli.. :-)

soooo tengo hambre, mues jetz mol oebbis zmittag chaugfe und denn heim go choche und schloofe und irichte und sache go shoppe (bruch u.a. unbedingt e velo!!)

liebi gruessli an euch alli